心情......差

話說上星期比個客炳完, 心情極差, 壓力隨之而來......一日百幾貓, 仲要野野追住, 點樣樣先?
早兩個星期先話身體好番d可以打番波, 點知呢兩日又番咳, 又訓唔到, 死未?
以為可以打全港公開賽, 點知又係空歡喜一場.........
唉...唔知做乜, 好似事事唔如意咁樣樣.......呢個07年發生緊乜野事?

有壓力~未解決~

話說近來公司好忙, 再加上人手不足......卒之中伏喇! 我單project有野衰左, 搞到好大件事, 比個客當面炳.........我真係未試過咁樣樣比人炳, 炳完仲要見埋我老闆~
唉.......即係再要炳多次囉.....真係君要臣死, 臣豈能不死~
唉.....又佢啦, 食番粒靚朱古力, 順番條氣先啦~九十幾蚊先得八粒架jar~

燥底.........

依家香港人真係唔知點講佢好, 渣車又好, 搭車又好, 都係好無禮貌
第一單:話說今日渣車出街, 一上公路, 見前面條友已經係渣得窄窄地, 時左時右, cut線完全冇意思, 但都比佢搞左我一野, 要我重break...好啦, 都算, 去到中段: 又係佢, 條友無喇喇好窄位都要由快線cut我去前面(中線), cut左一半先打燈....佢老虎, 嬲嬲地, 追+推+抽+"com"+重break+box佢....真係整佢個制, 佢唔係同我唔同路我真係有排玩佢~

第二單:去完街, 放底架車, 再搭車出街, 落車個陣有個阿姐...車入邊既人未出就係咁推入黎, 忍唔住嘈佢...即刻收皮.....

唉...都唔知係我燥, 定係我唔識野, 依家生活唔通真係要咁既咩?

Training....I'm Back

經過兩個月既大病之後, 我既羽毛球訓練終於都再開始, 三個小時既訓練(體能, 技術, 多球及比賽實習), 實在令我疲憊不堪, 但另一方面, 我真真正正感覺到自己已經漸漸回復狀態. 希望可以繼續啦~~黎既仲有渣打十公里賽, 我要挑戰自己既最佳成績~吼吼

攝影低潮

攝影嗎?唔知係咪太耐冇影相, 近日拿起相機, 對住想影既視物, 硬係唔知點影好, 就算係影車, 構圖好似唔係好滿意咁.....今日飲完茶, 同好友一齊去影下相, 好似好番少少, 都有滿意既作品~

影車, pan車, 黑白相, 有幾張都唔錯~哈

希望可以繼續啦~

好友聚會: 飲早茶

星期六唔駛返工, 約埋幾個朋友, 一齊去粉嶺飲早茶, 話就話早, 其實都成十一點先開始食, 好肚餓喎......四個人, 叫左成十幾碟點心, 埋單都係一人廿幾蚊, 真係抵食, 仲要有大大粒牛肉球. 大包呀....不過冇, 因我地太晏, 下次一定要去食呀~~呵呵

記念日

去左尖沙咀北京道一號八樓既San Francisco Steak House, 有D高級fat angle既feel, 環境唔錯~
叫左個二至三人餐, 頭盤有煙三文漁沙律, 炸生蠔同鮮菌意粉, 主菜兩款: 安格斯肉眼+ribs
唔錯唔錯~

點解要叫"蝦"

就係佢囉, 我個仔, 蝦仔呀~型呢~~

佢最叻就係扮野, 做錯事就好快走過黎"tum"返你, 有時真係嬲唔落~

人Blog我又Blog

見你地係Blog記錄左日誌, 好有趣
又試下啦, 睇下可以堅持幾耐~哈