空中非人

呢期真係勁, 飛到九彩, 計埋下星期一個陣, 呢個月飛第三次喇, 先係"上海", 岩岩係"首爾"番黎, 下星期一再飛"馬尼拉". 冇得頂, 型死啦~

不過依家公司唔夠人, 冇所謂啦, 做住雷霆救兵先啦~

Windows Mobile 6

早幾個星期見到HTC有offical既WM6 upgrade, 真係滿心歡喜, 事關聽講話WM6行得快d, 於是就download左黎upgrade. Upgrade左之後裝第一個sofware就真係惡夢既開始, 裝左blackberry發覺唔work, 最初仲以為係"3"既服務窄窄地, 打去CS問, 跟手"3"既CS就幫我搵發生左乜野問題, 隔左一陣"3"打黎同我講, 佢地問過HTC, 原來WM6暫時唔support blackberry......我整佢個制, 簡直完全唔可以接受, 自己既firmware唔support自己既software, 離哂普, 即刻send個email去投訴, 但到依家都未覆我~~~吼吼, 激死~

用左幾個星期, 大部份software都裝番哂, 終於都比我發覺到WM6有好野喇, 就係唔駛release memory都行得好順, 最勁個次係得番4MB都完全冇問題, 同埋WM6用windows live messager, 即係support"公仔"同埋"震震", 真係冇得頂, 好玩~呵呵.....不過blackberry唔得就真係仲唔係好開心囉~~~

北京奧運紀念郵票

今次上海之行, 最大收獲就係呢套2008北京奧運紀念郵票. 大陸version, 係香港都唔知買唔買到~呵

羽毛球 @ 屯門蝴蝶灣體育館

近來每個星期六都會同兩個好友打羽毛球, 其間會教下佢地點打, 咁樣樣就連我自己都可以學到應該點樣教波, 為我考教練牌鋪路, 真係佢地學到野時我又學到野, 開心死~

走火警

今期真係型到冇朋友~
話說公司大廈既中央冷氣供電系統發生故障, 由上星期五開始到今日都冇冷氣, 成三十幾度, 熱到癡線, 九點番到公司, 十點就已經濕哂. 咁都唔算勁, 最勁就係到十點幾鐘, 突然連正常供電都冇埋, 幾架消防車到場, 全大廈都要走火警. 後來大廈管業話我地知, 大廈供電都故障埋, 聽日都唔知有冇電用.....即係話, 冇公司返, 冇Email, 乜都冇, 真係奶哂野~

麥爸爸生日 @ 北京酒樓

北京酒樓外貌


北京填鴨


糖醋黃魚

鍋貼

小籠飽

火腿津白

賽螃蟹

高力豆沙

Blackberry Activated

話說公司個IT人幫我搞Push Mail搞左成兩個月都未搞得掂. 搞到我遲遲都唔可以Email去到邊收到邊. 早個星期係dopod發現有official software出左, 拿拿聲download左, 再去3搞埋個services plan, $68/300k一個月. 依家真係開會又收mail, 搭緊車又收mail, 放假都收mail, 方便就真係好方便, 但真係唔知係好事定係壞事~

Tea Buffet @ Prince Marco Polo

難得清閒, 又食餐飽~呵呵呵