MOS Burger

今日去左試新野 - 白雪魚柳漢堡

賊仔阿蝦~

都唔知點解佢成日都咁好訓~

又到考試既時候~

努力呀! 仲有一科!

Room Services @ India

Pizza Mozaic

印度我又黎喇~

今次又係去Bangalore! 今次好少少喇, 有直航機由香港過去, 但又係飛夜機. 即係點, 去到加埋Hotel check-in成三點啦~(講緊當地時間, 即係香港朝早五點半! Shit!)

講番去印度先, 每次都會有d搞笑野架喎! 今次係咩? 就係的士佬唔識路去酒店, 搞左成粒鐘先到埗, 真係問你死未? 希望走個日會好d啦~

翡翠拉麵小籠包

Tea @ Joia Ristorante

又一次相聚, 我諗最正係個張梳化囉~呵呵

Tokyo Trip @ Day 7 - 新宿-->築地市場-->新宿-->香港

今日我地七點就出發去築地市場, 睇下好出名既魚市場. 係築地市場入邊真係大開眼介, 幾條街機乎全部鋪頭都係買濕/乾既海鮮. 仲有少量既生果鋪, 生果真係新鮮到不得了, 巨峰堤, 富士蘋, 鮮茄, 琳瑯滿目. 我地食過一盒吞拿魚之後就離開築地市場, 返去新宿伊勢丹再行多陣就返酒店Check-out.
最後梗係會係成田機場作最後衝刺…..shopping囉……咁樣樣我地七日既旅程就圓滿結束喇!

Tokyo Trip @ Day 6 - 新宿-->台場-->上野-->新宿

嘩…..唔好以為就咁我地就會收手! 今日我地一早就係新宿去買"JP"版既yy羽毛球拍, 波衫, 鞋. 呢個祗不過係開場jar, 我地都仲未去台場~呵呵

買完球拍, 搭火車去台場shopping．台場小香港, 附近有彩虹橋 , 摩天輪. (今日仲搭埋地鐵同無人駕駛)

之後就搭車去上野出名既手信街買手信, 真係買到傻….三個人買左三箱野………驚!

最後我地就返新宿既 ．Mo-mo-Paradise, 90分鐘任食日式牛肉火煱(Sabu-Sabu)

Tokyo Trip @ Day 5 - 新宿-->東京廸士尼-->濗張-->東京廸士尼-->新宿

一早起身就起程去東京廸士尼, 今年係25週年, 好多”限定”版呢!

唔好以為尋日原宿一日就買完野, 今日梗係繼績啦! 中午係廸士尼出左去濗張既outlet再買過…..Like, Adidas, Agnis’b, 仲有d乜野鞋鋪呀, 時裝鋪呀咁樣樣…….
買到黃昏時間(問你死未?), 我地再返入廸士尼睇 巡遊, 由於我地係Halloween時間, 所以仲有一場追加既Halloween巡遊. 認真唔錯. 但有一點失色既就係當晚由於大風既關係, 冇煙花睇. 睇完哂巡遊, 買哂野之後都已經係夜晚十點. 大家帶住大包細包同埋超累既雙腳搭火車返酒店. 但返到酒店又發覺餓餓地, 又出去食埋好地道既拉麵先返酒店訓.

Tokyo Trip @ Day 4 - 新宿-->秋葉原-->原宿-->涉谷-->新宿

今日終於都可以晏少少起身啦! 食完早餐就起程, 搭火車去秋葉原, 行Yodobashi-Akiba, 一間九層高既電器大廈. 呢間大廈勁就勁在每層樓既樓面都好大, 分類分得非常好. 大部份電玩既物品都有齊, 集中哂係樹, 真係唔駛四圍搵. 行完Yodobashi-Akiba之後就係附近食咖哩餐, 食完之後再搭火車去第二站．原宿.
係原宿, 重頭戲0黎喇…….shopping呀………Design Tshirts Store Graniph, Burberry(Black/Blue Label), Agnis’b, Kiddy Land, 最後仲要行埋過去涉谷0101先肯收手呀!

買買買買....完之後, 我地就搭巴士返酒店, 放低哂所有戰利品先去食晚飯. 今晚我地食得勁豪．六歌仙. 食乜呢? 90分鐘任食, 和牛(黑毛和牛), 長腳蟹, 雞泡魚, 帶子, 蝦…..食到傻呀! 勁飽!

Tokyo Trip @ Day 3 - 小涌園-->橫檳(麵包超人館)-->新宿

係酒店早餐之後既然比我地發現"一棵"...紅葉呀.......影過紅葉之後我地就搭巴士落山, 去小田原站轉火車落橫檳, 去我地既目的地．麵包超人館. 係麵包超人館就當然要食下麵包超人麵包啦! 豆沙味, 唔錯! 不過幾貴. 遊過麵包超人館之後我地就返去新宿, 返酒店放低我地既戰利品之後就去食有名既．若狹家(魚生飯), 食完魚生飯, 淨番我地三人仲未夠皮, 再去食壽司(嘩哈哈, 問你怕未?). 最後, 由於太飽既關係, 我地都係要係歌舞伎町行多陣先返酒店訓.

Tokyo Trip @ Day 2 - 新宿-->箱根-->大涌谷-->小涌園

由酒店出發, 乘浪漫特快列車到箱根湯本．小田原站, 早餐就試左極地道火車站便當.
到達小田原站, 再轉乘箱根登山電車上山, 但電車祗係會去到強羅站, 我地係強羅小休, 乘登山纜車到早雲山, 再轉乘登山吊車, 去我地既目的地．大涌谷(1044M呀…….好高呀……). 由於大涌谷係火山, 所以當然唔少得火山溫泉既溫泉蛋啦! 係大涌谷除左有美味既溫泉蛋之外, 仲可以遠眺美麗既富士山同埋紅葉. 由於當人天色唔太好, 同埋時間既關係, 我地睇唔到富士山既山頂同埋紅葉都未出呀…..一.一.

午餐我地就係大涌上邊既food court搞掂, 嘩!原來箱根牛乳(奶)係超正架~~~

午餐過後, 當然有唔少得買手信時間啦! 買完手信就再搭番纜車落山, 去到桃源台搭賊船遊下一個景點．蘆之湖.

遊過蘆之湖, 今日既旅程都差唔多喇, 我地搭巴士去酒店check-in(箱根小涌園溫泉酒店) .係酒店食過buffet, 小休片刻, 我地就梗係去……浸溫泉啦! (p.s.浸完溫泉特別好訓~呵呵)

Tokyo Trip @ Day 1 - 香港 --> 新宿

由香港搭早機到東京成田機場, 再搭機場巴士到酒店(凱悅南都). 到歌舞伎町行街, 由W夫婦去探路搵晚飯地方, 我地就一行八人先去行街, 但由於肚子打鼓, 於是去左食魚生飯. 食過魚生飯, 浩浩蕩蕩走去行街, 點知就去左夾公仔, 夾左幾間, 最後係個好好人既店務員幫助之下, 我地夾到九隻大公仔……

夾過公仔之後就由W夫婦帶我地去食原定既晚飯．燒餅晚餐. 食過燒餅晚餐, 我地又繼續係歌舞伎町行街, 呢個時侯我地發現到我地既至愛Haagen-Dazs, 仲要有5球雪糕既優惠, 你話我地點會放過呢個機會呢?呵呵
食完雪糕, 第一日既行程都差唔多喇……大家可以返酒店休息, 事關Day 2仲要早起過箱根

終於放假

經過七個月既辛勞, 終於等到我既兩星期大假.
而大假既開始就係同一班朋友, 一行十人去日本東京七日之旅.

先講簡介一下七日既行程:
Day 1 : 香港 - 新宿
Day 2 : 新宿 - 箱根 - 大涌谷 - 小涌園
Day 3 : 小涌園 - 橫檳(麵包超人館) - 新宿
Day 4 : 新宿 - 秋葉原 - 原宿 - 涉谷 - 新宿
Day 5 : 新宿 - 東京廸士尼 - 濗張 - 東京廸士尼 - 新宿
Day 6 : 新宿 - 台場 - 上野 - 新宿
Day 7 : 新宿 - 築地市場 - 新宿 - 香港

詳情加埋相好快就會upload架喇~哈

Gathering @ Pizza Express

開心呢~呵

又去食雪糕~呵呵

Indonesian Restaurant 1968

新城市廣場入邊一間非常唔錯既餐廳

下午茶都要食佢~XD

平日下午茶時段有七折, 的確抵食

富貴月餅

一年一度超級好食既月餅又出場啦~呵呵

難得放假

今個星期要返足七日, 真係要休息下先得....

灣仔區羽毛球比賽

狀態低沈, 算係有交代喇~